Reto 1 - O concello e a nosa escola - 5ºA

Os cursos de 4º e 5º de EP están comezando a súa participación este curso na radio. Comezamos cun reto sobre o concello de Meis e a nosa escola.
A primeira clase en completar os seus retos, foi a de 5ºA. Para a maioría era a primeira visita que facían a radio e a primeira ocasión na que se enfrontaban a un micrófono.
A experiencia foi incrible! Aquí podedes escoitar esta primeira toma de contacto.

Palabras máxicas - Capítulo 3

Xa está aquí de novo o alumnado de 3ºA co seu club de lectura: Palabras Máxicas. Eles e elas son: Irene, Iago, Tana, Sergio, Rafa e Eric, que veñen a contarnos contos, falarnos de libros, refráns e moitas cousas máis...

CONCURSO: A nosa radio busca logo

Ola amiguiñ@s, como xa veríades no cole, a nosa querida Radio Escolar Mosteiro Meis busca un logo co que facerse visible no mundo. Para iso convocamos un concurso no que calquer nena ou neno do cole poderá participar e gañar un fantástico reprodutor de música como o da foto.

Tedes ata o día 12 de decembro para facer o voso deseño e entregalo na conserxería. Non vos esquezades poñer no voso deseño: nome, apelidos e curso no que estades.
O día 15 saberase a gañadora ou gañador.

Esperamos os vosos deseños! 

Moita sorte! 

Palabras Máxicas - O Outono

Novo capítulo do programa da clase de 3ºA. Nesta ocasión a temática sen dúbida é o outono, contos, novas, poemas con forma de canción... non vos perdades este interesantísimo programa.

Palabras Máxicas - Programa inicial

Comezamos o traballo na radio este curso 2018-2019 da man da aula de 3ºA e o seu club literario de aula: Palabras Máxicas.
O alumnado da clase de Pilar, visitou esta semana a radio e fixo este novo programa no que participaron Tana, María, Nerea, Ainhoa, Aricia e Mencía. Contos de medo, poemas, trabalinguas... este novo club literario promete. Como elas din:

SE QUERES AVENTURAS MERGÚLLATE NA LECTURA!

RADIO CUALE - PREMIER ÉPISODE

RADIO CUALE - PREMIER ÉPISODE

Les élèves de 3ème qui participent au programme CUALE commencent leur aventure radiophonique en français. 

Os alumnos de Terceiro da ESO que participan no programa CUALE comezan a súa aventura radiofónica en francés.

Xornalistas escolares - Entrevista a Javier Prado

Están de moda as entrevistas entre @s Xornalistas Escolares, neste caso son Tamara e Carla de 6º de Primaria quenes lle fan unha entrevista ao profe Javi, mestre de Audición e Linguaxe que puxo en marcha este proxecto e ao que lle tocou caer nas redes destas avezadas xornalistas.

Ao final desta entrevista Tamara e Carla conseguirán unha novidosa noticia sobre o futuro do profe Javi, se queredes saber cal é escoitade ata o final.

Xornalistas escolares descubrimos unha triste noticia

O noso equipo de Xornalistas Escolares coma sempre está ao pé da noticia do que sucede no CPI Mosteiro Meis, e nesta ocasión veñen de descubrir unha triste noticia para o alumnado de 5º e 6º... A PROFE CHUS MARCHA DO CENTRO.

Pois si, cando se enteraron desta noticia decidiron que era un bo momento para entrevistala e saber algo máis da súa vida e as razóns pola que cambiaba de centro ao final de curso. Laura e Javi de 5º foron os que se encagaron de elaborar as preguntas e facer esta entrevista, escoitade escoitade, que Chus Valiño deixa o CPI Mosteiro Meis.

Débat sur le féminisme

Bonjour !

Les élèves du groupe de Cuale A2 Français ont voulu débattre sur le féminisme et la célébration de la grève du 8 mars 2018. Il s'agit de leur première fois à la radio... Écoutons-les !

Ola !

Os alumnos do grupo de Cuale A2 de Francés quixeron debatir sobre o feminismo e a celebración da folga do 8 de marzo de 2018. Trátase da súa primeira vez na radio... Escoitémolos! 


Crédits musique : Double Je - Christophe WILLEM

Entrevista á nosa asesora de formación

O outro día Nati, a nosa asesora de formación do CFR estivo de visita no centro para coñecer de primeira man o traballo que dende a clase de 4ºB se fai co seu club de lectura "Soños de Papel".


Aproveitando esta situación Khadija, Iván e Quique fixéronlle unha pequena entrevista que xa podedes escoitar aquí, para coñecer un pouco máis o traballo que dende este ano desempeña Nati axudando a todo o profesorado do CPI Mosteiro Meis.

Moitas gracias por vir Nati. Agardamos que estiveras a gusto na nosa emisora e que voltes moi pronto!

Día Mundial da Radio

O 13 de febreiro foi o Día Mundial da Radio e este ano por primeira vez a Radio Escolar Mosteiro Meis ven de participar da man da Rede ESPORA, cun evento onde participaron distintas radios escolares das provincias de Pontevedra, Lugo e A Coruña.

O motivo do evento deste ano era a igualdade das mulleres no mundo dos deportes e en concreto nos medios de comunicación. Do noso centro participou Mariña de 4ºB, cun texto no que falaba na voz da alpinista Chus Lago. Podédelo escoitar no seguinte podcast.

Tamén podedes ver o evento completo na páxina da UNESCO premendo na imaxe a continuación ou aquí.

Volve Soños de Papel!

Estamos de noraboa, o clube de lectura máis famoso do CPI Mosteiro Meis, está de volta na nosa radio e veñen cargadiñ@s de libros e historias.

Os nenos e nenas da clase de 4ºB están de volta co seu clube de lectura, Soños de Papel e arrancan cun triple programa, no que Selmo e Saray Oviedo son entrevistados presentando dous libros moi pero que moi interesantes.

E ademáis temos sorpresas, xa que Mariña e Iván Sabarís levan o mando do programa entrevistando aos seus propios compis: Khadija e Bruno.

Non perdades nin un segundo destes xeniais programas!

Entrevista a Mario Gallego para o proxecto ERASMUS+

Manuel, Adrián e Uxía foi o alumnado de 4º da ESO encargado de entrevistar a Mario Gallego para coñecer un pouco mellor o patrimonio histórico e cultural do Concello de Meis.
Partindo desta entrevista poderán incluir estes novos descubrimentos no proxecto ERASMUS+ que levará ao alumnado de 4º da ESO ata Galway (Irlanda) onde compartirán experiencias e coñecemento co alumnado irlandés.
Podedes coñecer máis sobre o proxecto ERASMUS+ na bitácora MUSEO DO TEMPO
 

Especial Galiciencia das Xornalistas Escolares

Carla Riveiro e Candela Giráldez de 6º de Primaria foron as Xornalistas Escolares encargadas de facer as entrevistas correspondentes ao tema de Galiciencia, a maior feira científica que se celebra en Galicia, concretamente en Ourense en Tecnópole.

A primeira entrevista foi con Sabela Bouzo, responsable de Galiciencia, esta entrevista foi todo un fito para a Radio Escolar Mosteiro Meis, xa que era a primeira ocasión na que levábamos a cabo unha audioconferencia, e cremos que o resultado foi moi moi interesante, escoitadeo e xulgade vos.


A continuación os entrevistados foron Milena de 4º da ESO que foi unha das participantes na Galiciencia 2017 e tamén o profesor Camilo, que se encargou de coordinar o proxecto participante na feira.

Xa están de volta os Xornalistas Escolares

Xa está aquí unha nova entrega de Xornalistas Escolares, onde as parellas de 4º e 6º de Primaria presentan as novas máis destacadas que ocurriron no centro antes das vacacións de Nadal. Eles e elas son: Roi, Raquel e Enzo de 4º. Carla Martíns, Carla Riveiro, Manuel e Candela de 6º.
O alumnado de 5º de Primaria nesta ocasión non quixo participar no programa de radio, agardamos que as próximas parellas de 5º teñen máis ánimo.

Ademais das novas emitidas pola Radio Escolar Mosteiro Meis, os xornalistas redactaron algunhas outras de moito interés no diario dixital https://xornalistasescolares.wordpress.com/
Pasade por alí a velas!
Tamén debedes saber que varias delas ampliaron o seu traballo levando a cabo a PRIMEIRA AUDIOCONFERENCIA que se ten feito na Radio Escolar Mosteiro Meis e que pronto poderemos ver e escoitar publicada. Noraboa Xornalistas!